Махны үнэ өсөж байгаа ч гурилын үнэ буурчээ.

Улаанбаатар хотын хүнсний зах, дэлгүүрт худалдаалж байгаа гурилын үнийг өнгөрсөн сарын дундаж үнэтэй харьцуулахад “Алтан тариа” ХК-ийн задгай дээд гурилын үнэ 1.3 хувь, задгай нэгдүгээр гурил 1.6 хувь, савласан дээдийн дээд гурилын үнэ 0.9 хувь, дээд гурилын үнэ 3.7 хувь, нэгдүгээр гурилын үнэ 1.8 хувь, хоёрдугаар гурилын үнэ 2.8 хувиар буурчээ.

Энэ жил манай улс дотоодынхоо хэрэгцээг бүрэн хангах хэмжээний улаан буудай хурааж авсан нь гурилын үнэд нөлөөлсөн гэх судалгаа гарчээ.