УИХ-ын гишүү­дээс жилийн есөн сая, 588 мянган төгрөгийн орлогоор хамгийн “даржин” ги­шүүнээр тодорч бай­сан эрхэм гишүүн Б.Болор тэрбээр 2016 оны сонгуулид ялалт байгуулж ча­дах­гүй бол хэн нэг­ний тус­лал­цаа­гүйгээр амьдралаа аваад явчих өөр нэгэн далд авьяастай аж. Тэр авьяас нь Сочигийн олимпийн үеэр олонд тодорхой болжээ.

Эрхэм гишүүний тол­гой өвдөхгүй хоо­лоо олоод идэх тэр авьяас нь спортын тайл­­барлагчийн ажил.
Ялангуяа өнөөдөр­төө монголын спортын тайлбарлагчдын тө­дийлөн сайн мэддэггүй хоккейн спортыг маш сайн тайлбарлаж чад­на гэдгээ Сочигийн олимпийн хоккейн шувтар­гын буюу Канад, Финляндын шигшээ багуудын тог­лолтын үеэр нотлон харуулсан билээ.

Тэ­гээд ч сүүлийн үед спортын хорхойт­нууд, ялангуяа хок­кейн спор­тын улаан фэнүүд спортод тун ч элэгтэй ЕТV теле­визийн захи­рал, Мон­гол Улсын Соёлын гавьяат зүт­гэлтэн Ц.Энхбат эрхэм ги­шүүн Б.Болорын авьяасыг олж харсан болов уу гэж өөр хоорондоо ярилцах болжээ.

Түүгээр ч зогсох­гүй эрхэм ги­шүүн Б.Болорын хоккейч­дын талаарх өргөн мэд­лэг, хоккейн спор­­тыг тайлбарлах авьяа­сыг нь даруйхан ашиглах ёстой гэх фана­тууд ч гарч ирсэн сурагтай.
Ямартай ч эрхэм гишүүн Б.Болор улс­­төрөөс өөр хийх ажил­тай л юм байна.
Эх сурвалж: