Хошин урлагийн “загалмайлсан эцэг” гэгддэг МУГЖ Б.Батзаяа Солонгос улсад зүрхний хагалгаа хийлгэхээр болжээ. Түүний биеийн байдал тааруухан байгаа бөгөөд үе, үе зүрхний хэм алдагдаж, байнгын эмчийн хяналтад эмчлүүлж байгаа аж. Тиймээс Солонгос улсад эмчлүүлэх эмчилгээний зардлыг хошин урлагийнхан цуглуулж өгөхөөр түүнд зориулсан хандивын тоглолтыг хийхээр болсон байна.

Тоглолтод “Маск”, “Шинэ үе”, “Х Түц” “Шилдэг өнгө”, “Мөрөөдлийн театр”, “Эмоци” зэрэг продакшн болон МУГЖ Д.Сосорбарам, Л.Чаминчулуун, Г.Жагдаг, Б.Туяа нарын  ахмад үеийнхэн оролцох аж. Тоглолт ирэх сарын 3-нд “Улаанбаатар паласе”-д болох бөгөөд тасалбарын тухайд 15, 20 мянган төгрөгийн  үнэтэй гэнэ. Өнөөдрөөс “Улаанбаатар паласе”-ын кассаар тасалбар худалдаалагдаж эхэлсэн байна.