“Буянт-Ухаа1” хорооллын эхний ээлжний 567 айлын орон сууц ашиглалтад орсон бөгөөд энэхүү орон сууцанд орох иргэдийн талаарх нарийвчилсан журмыг Төрийн орон сууцны корпораци /ТОСК/-оос гаргахаар болжээ.
Өмнө нь Засгийн газраас зорилтот бүлэгт чиглэсэн хямд өртөгтэй орон сууц ашиглалтад оруулж, орон сууцны журам баталсан. Энэхүү журамтай уалдуулан төрийн албан хаагч, хөгжлийн бэрхшээлтэй, ахмад настай, залуу гэр бүлүүдэд тавигдах шаардлага ямар байх талаар нарийвчилсан журам батлах аж. Иргэдээс өргөдөл авахдаа цахим хэлбэрээр буюу ТОСК-ийн вэб сайтаар дамжуулан бүртгэлийг авах юм байна.
Цахим бүртгэлийг ашиглахад тодорхой хэмжээний зохицуулалт, хийх ажил байгаа учраас ирэх сарын эхээр өргөдлөө авч эхлэхэээр төлөвлөж байгаа гэж ТОСК-ийн ерөнхий захирал А.Гантулга мэдэгдлээ. Иргэд өргөдөл, материалаа өгөхийн тулд ТОСК дээр дугаарлан, дараалал үүсгэх шаардлагагүй бөгөөд зөвхөн цахим хэлбэрээр бүртгүүлж, өөрийн нууц дугаарыг авах боломжтой.
Цахим хэлбэрээр бүртгүүлсэн, 30 хувийн урьдчилгаа мөнгөө төлсөн тохиолдолд байр авах эрхийг нь ТОСК-оос баталгаажуулснаар банкинд хандах юм байна.
Эх сурвалж:
Холбоотой мэдээ
Comments are closed.
