Өмнөговь аймгийн ИТХ-ын дарга асан Х.Түмэн­баярыг сар ши­нийн өм­нө­хөн батлан даалтад гар­­га­­жээ. Түүнд АТГ-аас эрүү­­гийн хэрэг үүсгэн яллаг­дагчаар татан өнгөрсөн оны арванхоёрдугаар сард ба­ривч­лаад байсан юм.

Эх сурвалжийн мэдээлж буйгаар Эрүүгийн хуулийн 150 дугаар зүйл Бусдын эд хөрөнгийг завших, үрэг­дүүлэх, 263 дугаар зүйл Төрийн албан тушаалтан албаны эрх мэдэл буюу албан тушаалын байдлаа ур­вуулах, 264 дүгээр зүйл Төрийн албан тушаалтан эрх мэдлээ хэтрүүлэх гэсэн заалтуудыг үндэслэн хэрэг үүсгэсэн ажээ.

Учир мэдэх хүмүүсийн хэлж буйгаар Х.Түмэнбаяр «Таван толгой» ХК-ийн гүй­цэтгэх захирал байх үедээ их хэмжээний хөрөнгө завшсан бололтой. Тиймээс ч дээрх зүйл ангиудаар эрүүгийн хэрэг үүсгэн шал­гахын зэ­рэгцээ хөрөнгийн шалгалт хийж эхэлсэн байна. Тод­руулбал түүний хурааж, ху­римтлуулсан эд хөрөнгө нь буруу аргаар олсон байж болох гэнэ. Тиймээс ийнхүү шалгаж байгаа бөгөөд Х.Түмэнбаяр өөрийн нэр дээрх зарим эд хөрөнгөө үнэл­­гээний ком­паниудаар үнэ­­лүүлж байгаа аж.

Түүнийг өнгөрсөн жил Өмнөговь аймгийн ИТХ-ын даргын албаа өөрийн хүсэл­тээр хүлээлгэн өгч бай­­гаа нь үйлдсэн хэргээсээ цэвэрхэн мултрахын тулд урьдчилсан арга хэмжээ авч байна хэмээн хардах хүн олон байсан.

Гэвч ажлаа өгсөн ч мань хүн цэвэрхэн бултах байтугай бүр баривчлагдан, хоригдсон. Харин өдгөө батлан даалтад гарсан түүнийг намынхан нь хэрхэх бол гэж олон нийт харж байгаа. Учир нь АТГ-ыг МАН-ынханы эсрэг ажилладаг гэж гоочлох бол­сон энэ үед намын харьяа­лал үл харгалзан гэмт үйл­длийг таслан зогсоож, хариуц­ла­гыг нь хүлээлгэнэ хэмээн харж байгаа юм.
Эх сурвалж: