Германы Холт хотод нэгэн гурван настай араб үүлдрийн морь хувийн байшинд суурьшжээ. Насар гэдэг нэртэй тэр уралдааны морь хүчтэй салхин шуурганы үеэр өнгөрсөн оны 12 дугаар сард энэ байшинд “гүйж” орсон бөгөөд тэр цагаас хойш байшингаас гарахыг хүсэхгүй байгаа гэнэ.

“Тэр манайд идээшсэн. Өөрийгөө толинд харах их дуртай. Дуртай үедээ гарч, дур нь хөдөлвөл ороод ирчихдэг” хэмээн байшингийн эзэн Стефани Арндт өгүүлэв.

Эзэгтэйн өгүүлснээр бол энэ морь биеэ маш зөв авч явж байгаа бөгөөд өнгөрсөн хугацаанд ердөө ганцхан шилэн аяга л хагалжээ. Гэхдээ л адгуус амьтан учир Стефани түүнд айхтар талархалтай хандахгүй байгаа аж.