2014 оны 2 сарын 15

“Жүжигчин Туяад ирсэн эзэнгүй бэлэг” нэртэй мэдээлэл цахим ертөнцөд өнжлөө. Мэдээг сөхвөл “Жүжиглэх ур чадвар, бүтээсэн дүрээсээ илүүтэй царайлаг төрх, гоолиг биеэрээ “од” болсон “Х-Түц” продакшны жүжигчин А.Туяа эрчүүдийн хувьд ёстой л “амтлаг жимс” гэдэг. Учир нь бие галбираа тодотгосон тачаангуй загварын хувцсаар гоёдог тэрбээр хаа ч явсан эрчүүдийн харааг булаадаг бөгөөд нүцгэн зургаа хүртэл “Playboy” сэтгүүлийн нүүрэнд тавьчихсан билээ. Өдгөө ганц бие энэ бүсгүйд өчигдөр хэнээс гэдэг нь мэдэгдэхгүй улаан сарнай,брэндийн бэлэгнүүд ирсэн гэнэ шүү. Тун удахгүй тэрээр найз залуутай болох биз ээ” гэсэн агуулгатай мэдээлэл байна л даа. Эзэнгүй бэлэг гэж юу байхав дээ. Түүнийг өгсөн ямар нэгэн эзэн байх ёстой шүү дээ. Ядахад цаана нь бэлдүүлж явуулсан эзэн байх учиртай. Гэтэл ийм маягийн мэдээлэл цацаж байгаагийн цаана залуу жүжигчний хувийн пиар нуугдаж байгааг үгүйсгэх аргагүй. Жүжигчин төдийгүй залуу охидод бэлэг сэлт ирж л байдаг шүү дээ. Тэдний л нэг биз дээ. Тэгэхээр эрхэм залуу жүжигчинд өгөх зөвлөгөө байна. Юу вэ гэвэл “Ийн дэмий зүйл хийлгэж байхаар яаж шинэ соргог уран бүтээл, хийж түүнийгээ хэрхэн ард түмнийхээ зүрх сэтгэлд хоногшуулах вэ гэдгээ л бодох хэрэгтэй байна даа. Эзэнгүй бэлэг гэж байхгүй шүү дээ Туяа минь.