“Улаанбаатар түншлэл-2013” нэртэй олон улсын намрын үзэсгэлэн яармаг маргааш Мишээл экспо төвд нээлтээ хийх гэж байна. Үзэсгэлэнг МҮХАҮТ, Нийслэлийн Засаг даргын Тамгын газар, ҮХААЯ болон ЖДҮ-ийн газар зэрэг байгууллагууд хамтран зохион байгуулж байгаа юм байна. Үзэсгэлэн энэ сарын 12-16-ны өдрүүдэд болох аж. Үзэсгэлэнд экспортын бүтээгдэхүүн үйлдвэрлэгч, бүх шатны үйлдвэрлэл үйлчилгээ эрхлэгч, олон улсын стандартад нийцсэн импортын  бараа бүтээгдэхүүн, үйлчилгээ үзүүлэгч байгууллага аж ахуйн нэгж, үндэсний үйлдвэрлэл эрхлэгч нар оролцоно. Мөн үзэсгэлэнд АНУ, БНХАУ, БНСУ, БНАСАУ, ОХУ, Польш, Сингапур, Тайвань, Япон зэрэг орнуудын бизнес эрхлэгчид болон эрх бүхий байгууллагууд  оролцох юм байна.

Эх сурвалж:Шуурхай.мн