“Оддын хотхон”-ыг баригдсан цагаас өдийг хүртэл амьдарсан ууган оршин суугчдынх нь нэг топ Э.Одгэрэл саяхны нэгэн өдөр буурь сэлгэж, Туул голын хөвөөнөө тохижоод авчээ. Тэрээр өөрийгөө хунтай зүйрлэдэг шигээ хун цагаан өнгөнд дуртай. Тиймдээ ч Э.Одгэрэлийн гэрийнх нь тавилга сэлт ч цагаан голдуу аж. “Оддын хотхон”-оос нүүхэд айл хөршийнх нь гэрийн эзэгтэй нар топ хатаггайн сонголтыг сонжоод авсан гэнэ лээ. Дөчин насны босго алхсан ч, балетаар хичээллэж кинонд тоглоод улам л залуужиж буй түүнийг эртнээс ивээлдээ авсан нууцлаг эрхэм нь ийн тухтай байр руу нүүлгэсэн гэх. Дотоод засал чимэглэл, интерьер дизайныг нь топ хатагтайн хүссэнээр засаад барахгүй уран зураг, баримал гээд таашаадаг эд зүйлсийг нь Монголын шилдэг уран гартай залуучуудад захиалж хийлгүүлсэн аж. Эрхэм ноёнтны цаг зав, мөнгөө харамгүй зарцуулсан шинэ гэр нь Э.Одгэрэл хатагтайд ихээхэн таалагдаж байгаа гэдэг. Юутай ч “Мөнхийн залуу нас” тодотголтой топ Э.Одгэрэл ойрын хэдэн жилдээ Туулын хөвөөнийхний нүдийг хужирлах нь.
Холбоотой мэдээ
Comments are closed.