Малчид, тариаланчдад зориулсан мэдээ:
Өнөөдөр нутгийн баруун хэсгээр, 12, 13-нд нутгийн хойд хэсгээр хур тунадас орж сэрүүснэ.

2013 оны 09 дүгээр сарын 11-ний 08 цагаас 20 цаг хүртэлх цаг агаарын урьдчилсан мэдээ:

Нутгийн баруун хэсгээр үүлшинэ. Баруун зүгийн нутгийн зарим газраар, төвийн нутгийн баруун хэсгээр хур тунадас орно. Салхи нутгийн баруун хэсгээр хойноос, бусад нутгаар зүүн өмнөөс секундэд 5-10 метр, баруун зүгийн нутаг болон говь, талын нутгийн зарим газраар секундэд 12-14 метр хүрч ширүүснэ. Алтай, Хангай, Хөвсгөл, Хэнтэйн уулархаг нутгаар 10-15 градус, говийн бүс нутгаар 23-28 градус, баруун зүгийн нутгаар 14-19 градус, бусад нутгаар 18-23 градус дулаан байна.
УЛААНБААТАР ХОТ: Үүлшинэ. Бороо орохгүй. Салхи зүүн өмнөөс секундэд 5-10 метр.
21-23 градус дулаан байна.

Эх сурвалж: Шуурхай.мн