Энэ сарын 17-18-ны өдрүүдэд өндөр хөгжилтэй орнуудад суралцаж байгаа оюутан, мэргэжилтэн, төгсөгч нарт зориулсан үзэсгэлэн яармаг болох “Хөдөлмөрийн яармаг-2013” болно. Тус үзэсгэлэнг Монголын Залуучуудын Холбоо, Залуучуудын хөдөлмөрийн төв бирж, “Монгол-Германы Гүүр” ТББ, Монголын Ажил олгогч эздийн нэгдсэн холбоо” хамтран зохион байгуулахаар болжээ. “Хөдөлмөрийн яармаг -2013” үзэсгэлэнгийн гол зорилго нь Монгол улсын хөдөлмөрийн зах зээлийн өнөөгийн хөгжил, чиг хандлага, байгууллагуудын хүний нөөцийн эрэлт хэрэгцээг тодорхойлох, ажил олгогч байгууллагуудыг сурталчлах, нөгөө талаас өндөр хөгжилтэй оронд төгсөгчдийг ажлын байраар хангахад оршиж байгаа юм байна. Уг үзэсгэлэн яармаг “Start Your Career” уриан дор явагдаж байгаа бөгөөд  дотоод, гадаадын бизнесийн нэр хүндтэй 30 гаруй ажил олгогч байгууллагууд оролцож 500 гаруй дунд болон дээд түвшний ажлын байруудыг санал болгохоор болсон байна.

Эх сурвалж: Шуурхай.мн