У.Хүрэлсүх МАН-аас өнгөрсөн парламентийн сонгуульд намын жагсаалтаар УИХ-ын гишүүн болсон ч төд удалгүй ар гэрийн шалтгаанаар УИХ-ын гишүүний бүрэн эрхээсээ татгалзах болсон. Үүнийг нь зарим нэгэн хүмүүс улс төрийн зорилготой татгалзсан ч гэж үзэж байв. Энэ хугацаанд түүнийг улс төрдөө эргэн ирэх болов уу гэж харах хүн цөөнгүй байсан ч тэрээр намын бага хуралдаа ч хүрэлцэн ирээгүй юм. Үүсгэн байгуулсан НАМЗХ болон Зүүний хүчний холбооны залуустайгаа энд тэнд хоолонд орж, хааяа нэг уулздагийг нь эс тооцвол улс төрөөс ангид байгаа гэнэ. Намынхаа хэсэг залуустай хөдөө орон нутгаар аялж яваад ирсэн тэрээр байнгын эмчилгээтэй эхнэр рүүгээ тун удахгүй буцах ажээ.

Үүнээс өмнө буюу өнгөрсөн амралтын өдрүүдэд У.Хүрэлсүх “Харли Дэвидсон”-ын жагсаалд мотоциклтой хотын гудамжаар салхи татуулан давхисан гэнэ. Тодруулбал, “Харли Дэвидсон”мотоциклийн 110 жилийн ойг дэлхий дахинаа тэмдэглэн өнгөрүүлж байгаа бөгөөд Монголын мотоциклчид ч энэ баярыг тэмдэглэн өнгөрүүлж буй юм байна. Энэхүү тэмдэглэлт жагсаалыг тэрээр өөрөө зохион байгуулж өөрөө оролцсон нь энэ юм.