“ETV” телевизийн урилгаар Монголд ирж буй БНСУ-ын алдарт “T-ARA” хамтлагийн тоглолт есдүгээр сарын 21-нд Төв цэнгэлдэх хүрээлэнд болно. Тоглолтын тасалбар нь 35, 60, 350 мянган төгрөгийн үнэтэйгээр есдүгээр сарын 1-нээс борлуулагдаж эхлэх юм байна. Тасалбарыг “Ноён зууч” пиццаны бүх салбар, “ETV” телевизийн байр, Бөхийн өргөөний касс, Улаанбаатар зочид буудлын 104 тоотод худалдаалах ажээ.

Тоглолт тухайн өдрийн 17.00 цагт эхэлж, 120-150 минут үргэлжлэх бөгөөд тэд тоглолт эхлэхээс хоёр хоногийн өмнө Монголд ирэхээр төлөвлөжээ. Тоглолтын тасалбарыг БНСУ-д хэвлүүлж байгаа гэнэ. Мөн мөнгөн тэмдэгт хийдэг үнэт цаасаар хэвлэж байгаа бөгөөд програмын нууцлал өндөр тул дамлах, хуурамчаар хэвлэх боломжгүй. Дашрамд дурдахад, “T-ARA” болон “Davichi” хамтлаг Монголын говьд клипний зураг авалт хийх төлөвлөгөөтэй байгаа аж.

Эх сурвалж: Шуурхай.мн