Банш Батаа, реппэр Gee болон жүжигчин С.Батзориг, О.Долгор нарын гол дүрийг бүтээсэн “Микроны босс” кино нээлтээ хийлээ . “Ээжийн дайсан”, “Шарталт” гээд инээдмийн төрлийн кино бүтээж байсан “Милл” кино компанийн гурав дахь бүрэн хэмжээний уран сайхны кино нь энэ юм. Тэд энэ зунжингаа микро хөлөглөж, хотын гудмаар зураг авалт хийсэн сурагтай. Батаа кондуктор, Gee микроны жолоочийн дүр бүтээсэн уг кино үзэгчдийн дунд битүүхэн хүлээлт үүсгээд байсан юм.
Микро автобусны кондукторуудын амьдралыг харуулсан инээдэм, уянгын төрөл хосолсон кино зохиолыг найруулагч Д.Мөнхбат бичсэн. Тэд “фэйсбүүк” хуудастаа киноны нэрийг сонгох санал асуулга явуулахад “Сөөдөггүй хоолой”, “Галзуу хулгана”, “Нэг л хүн дутуу” зэрэг нэрийг үзэгчдээс ирүүлсэн ч “Микроны босс” хэмээн нэрлэсэн юм. Ингээд “Микроны босс” маань киноныхоо нээлтэнд хэрхэн ирснийг хамтдаа харцгаая.