Үүрэн холбооны тэргүүлэгч оператор Мобиком корпорацийн зарим нэг “сонин” үйлчилгээ хэрээс хэтрээд удаж байна.

Үдшийн 22 цагаас хойш “ХХХ.эр хүн эмэгтэй хүнтэй бэлгийн хавьталд орохдоо эхлээд…” гэх мэтчилэн мобимедиа үйлчилгээ тасрахгүй ирнэ. Тус корпораци хэрэглэгчдээ  том хүн, хүүхэд гэж ангилаагүйгээс хойш дээрх үйлчилгээг мобимедиа үйлчилгээтэй бүх хэрэглэгч нь уншина. Тэгэхээр сая гаруй хэрэглэгчтэй гэх энэхүү үүрэн телефоны оператор компани энэ мэтчилэн садар самууныг ил цагаан сурталчлаад байгааг юу гэж ойлгох вэ. Энэ мэт “сонин” үйлчилгээнд хяналт тавьдаг эрх мэдэлтэн, албан байгууллага гэж байна уу. Мэдээж, энэ мэт мессеж Мобикомын хэрэглэгч Хууль зүй, дотоод хэргийн сайд Ц.Нямдорж болон доод албан тушаалтнуудад нь ирж байгаа. Гэтэл яагаад өнөөдрийг хүртэл чимээгүй байна. Уг нь Хууль зүй, дотоод хэргийн яам садар самуун үйл явдал сурталчилж байсан хэвлэл мэдээллийн хэрэгслийг “нам дардаг” биз ээ.