Өнгөрөгч долоо хоногийн мягмар гарагт буюу энэ сарын 13-ны өдөр Шүүхийн шийдвэр гүйцэтгэгч бүсгүй амиа хорлосон хэрэг гарсан.  Тодруулбал, Налайх дүүргийн Шүүхийн шийдвэр гүйцэтгэгч 26 настай О өөрийгөө боомилж, амиа хорлосон гэж тухайн үед хэргийн газарт очиж, шалгалт хийсэн цагдаагийн алба хаагчид тогтоосон байна. Талийгаач хоёр өдөр гэртээ болон ажилдаа ирээгүй учир гэрийнхэн нь цагдаад мэдэгдэж энэ сарын 14-ны өдөр Баянзүрхийн товчооны ойролцоо буюу олны нэрлэж, заншсанаар Адам, Евагийн хөшөөний хажууд өөрийгөө боомилж амиа хорлосон байсан гэнэ. Харин талийгаачийн ар гэрийнхэн цагдаагийн хийсэн дүгнэлттэй санал нийлэхгүй байгаа бөгөөд ямар нэг даргынхаа дарамт шахалтаас болсон гэж үзэж буй ажээ.

Талийгаач О нь өөрийгөө ямар нэг шалтгааны улмаас боомилсон байж болзошгүй бөгөөд үүнийгээ шийдэж гэрээслэл бичиж үлдээсэн бололтой. Ингэхдээ ямар ч гомдолгүй гэсэн агуулгатай байсан гэнэ. Хэргийг одоо Баянзүрх дүүргийн цагдаагийн хэлтэст шалгаж байна.

Эх сурвалж: Шуурхай.мн