УДЭТ-ын жүжигчин Г.Уранчимэгийг ааштай, галзуу, характертай ярьдаг, чадварлаг, эрч хүчтэй сайн жүжигчин хэмээн үзэгчид олон талаас дүгнэдэг. Ийнхүү үзэгчдэд олон янзаар үнэлэгдэх тэрээр “Би л хувьдаа хүүхдээ сургуульд зөөж, хувцас угааж гэрт сууж чадахгүй. Гэхдээ үзэгчид намайг хүлээж авахгүй болсон цагт өөрийгөө мэдрэх ёстой” хэмээн үздэг.

Г.Уранчимэг “Би эр хүнд хайртай” жүжгийн гол дүрүүдийн нэг бөгөөд жүжгийн дуундаа их дуртай юм билээ. Тодруулбал, нэгэн нэвтрүүлэгт уригдахдаа тус жүжгийн дууг дуучид нь өөрийн биеэр хүрэлцэн ирж дуулахад нулимс дуслуулж байгаа харагдсан.

Харин тэрээр хамгийн сүүлд театрынхаа жүжигчин Д.Ганцэцэг, А.Ганчимэг G.U.G нэртэй уран бүтээлийн нэгдэл байгуулан Хувьсал продакшны бүтээл “Зэрлэг цэцэгсийн хүлэмж” киноны зураг авалтандаа явж ирээд өдгөө нээлтээ хүлээж буй. Ингэхдээ театрын ажлаа цалгардуулсан гэж А.Ганчимэг ажлаасаа чөлөөлөгдөж, Г.Уранчимэгийг цалингаасаа хасуулсан гэх яриа ч чих дэлсээд амжсан юм.

Эх сурвалж: Шуурхай.мн