Нийслэлийн өвөлжилтийн бэлтгэл ажлыг хангуулах ажлын хүрээнд энэ жилийн төсөвт нийтийн орон сууцны 61 байрын дээвэрт засвар хийхээр 3,0 тэрбум төгрөг баталжээ.

Нийслэлийн удирдлагууд нийтийн орон сууцны байруудын дээврийн засварыг өвлөөс өмнө шуурхай хийж гүйцэтгэхийг холбогдох албаныханд үүрэг болгосон бөгөөд хийх завсарын ажлын жагсаалтыг дүүргүүдийн ЗДТГазарт хүлээлгэн өгсөн  байна. Мөн нийтийн орон сууцны дээврийн засварыг гүйцэтгэх аж ахуй нэгжийг сонгон шалгаруулах тендрийг 4 сараас эхлэн нээлттэй зарлаж эхний ээлжинд засвар хийх байрнуудын санхүүжилтийг шийдвэрлэсэн ажээ.

Энэ жилийн хувьд Баянзүрх дүүрэгт 11 байр, Баянгол дүүрэгт 14 байр, Чингэлтэй дүүрэгт 8 байр, Сүхбаатар дүүрэгт 7 байр, Сонгинохайрхан дүүрэгт 11 байр, Хан-Уул дүүрэгт 5 байр, Багануур дүүрэгт 2 байр, Налайхад 3 байрны дээврийг засахаар гэрээ байгуулагдан, санхүүжилт хийгдээд байгаа юм байна.

Эх сурвалж: Шуурхай.мн