Яармаг Нисэх чиглэлийн авто замыг өргөтгөн урд урсгалыг шинээр хийж байгаа бөгөөд 9.5 км суурь хучилт, 0.7 км өнгө хучилтын ажлыг гүйцэтгээд байна. Хойд урсгал буюу Яармагийн хуучин замд гүүр, хоолойн газар шорооны ажил эхлэхийн тулд энэхүү урд урсгалын шинэ замыг 9 сарын 15 хүртэл түр нээхээр шийдвэрлэжээ. Гурван эгнээ бүхий шинэ замыг 2 урсгал болгон хувааж зорчих хөдөлгөөнийг нээх бөгөөд хойд урсгалын гүүр, хоолойн ажлыг хийсний дараа урд урсгалдаа өнгө хучилт авч гүйцээнэ. Шинэ замын зорчих хэсгийг 8 сарын 18-ны бүтэн сайн өдөр нээхээр тэмдэглэгээний ажил хийж байна.

Мөн өнөө орой буюу 8 сарын 09-ний 22 цагт Доржийн гудамжны өргөтгөл, шинэчлэлтийн ажлын хүрээнд Хил хамгаалах ерөнхий газрын уулзвар хэсгийг хаахаар боллоо. Уулзварын хучилтыг хийснээр 8 сарын 13-ны өглөө хөдөлгөөнийг нээнэ. Доржийн гудамж нь Сансарын аюулгүйн тойргоос зүүн тийш Цайз зах хүртлэх зам юм.

Эх сурвалж: Шуурхай.мн