Монголын толгой баян, “МАК”-ийн за­хи­рал Б.Нямтайшир биз­несийн өндөр цамхагаа босгохдоо тагнуулч хү­ний явсан замаа эр­гэж хардаг хянуур, бол­гоомжтой, хашир зан­гаа бамбай болгосоор өнөө­дөртэй золгосон гэдэг.

Монголын  толгой  баяны  өрсөлдөгчид түү­ний  бизнесийн  амжилтыг  харлуулахаар  тө­дий­гөөс  өдий хүртэл тэмцээд ч олны нүдэнд үзэгд­дэггүй нууцлаг ноён тагнуулчийг буулгаж авч чадаагүй гэх юм билээ.

Харин түүний ганц хүү УИХ-ын гишүүн Н.Номтойбаяр тагнуулч аавынхаа шийрийг ха­таан энэ цагийн шалгарсан тагнуулч болж яваа ажээ. Хоёрхон сарын өмнө Ерөн­хий сайд Н.Алтанхуягийн хүргэн дүү­гийн тарьсан хэргийг ил болгож, УИХ-ын байн­гын хорооны хуралдаан дээр Н.Алтанхуяг сайдын нүдийг бүлтэгнүүлж, чи­хийг улайлгаж байсан.

Гэхдээ тэр  хэрэг тэгсгээд замхарсаны да­раа “Норовын хүүд би хэний хүү болохоо ха­руулна аа”  хэмээн шазуур зууж байсан билээ. Тэгвэл  Ерөнхий сайдтай “тулж ажил­­­ладаг” Н.Номтойбаяр тагнуулчийн да­­раагийн тэмцэл мөдхөн эхлэх сурагтай.

Учир нь шинэчлэлийн Засгийн газраас махны үнийг тогтворжуулах зорилгоор 87 сая төгрөг гаргасаны нэлээд хэсэг нь Н.Алтанхуяг  сайдын “Мах экспорт” ком­пани руу шингэсэн баримтыг мөдхөн дэлгэж та­вих гэнэ. Тагнуулч эцгийн тагнуулч хүү гэ­сэндээ зүүний сүвэгчээр ч багтаж ороод, уулын чинээ хөдлөшгүй баримт олж дөнгөдөг бололтой юм. Тагнуулчид аа гэж.