Өчигдөр өглөө 09:55 минутанд 61-ийн гармын ойролцоо зам тээврийн осол гарч машинд хүн хавчуулагдсан байна гэсэн дуудлага онцгой байдлын албаны тоот утсанд иржээ. Тус дуудлагын дагуу Аврах ангийн Аврах шуурхай салбарын бүлгийг очиход Сонгинохайрхан дүүргийн 21 дүгээр хороо, 61-ын гарам өнгөрөөд Рашаант өртөө хүрэх замд Тоёота Ланд крузер 80 загварын автомашин замын хажууруу онхолдож 4 хүн гэмтэж, 2 хүн нас барсан байдалтай байжээ. Ослын улмаас 53 настай эмэгтэй, 35 орчим насны эрэгтэй нар нь машины төмөр хийцэд хавчуулагдан нас барсан бөгөөд аврагчид амь үрэгдсэн иргэдийг гаргаж дүүргийн Цагдаагийн хэлтсийн жижүүрийн бүрэлдэхүүнд шилжүүлэн өгч, гэмтсэн иргэдэд Рашаантын хэсгийн эмнэлгийн эмч нар яаралтай тусламж үзүүлсэн байна.

Хамгийн сүүлийн мэдээллээр ослоор амь үрэгдсэн хоёрын нэг болох 35 настай эрэгтэй нь УИХ-ын гишүүн Д.Сарангэрэлийн дүү байсан байна. Мөн тус машинд Д.Сарангэрэл гишүүний нөхөр нь явж байсан бөгөөд хүндээр гэмтжээ.

Замын цагдаа нар осол гарах үед жолоо барьж явсан жолооч Б-г согтуурал шалгах багаж үлээлгэн шалгахад 1.27 хувийн согтолттой байжээ. Хэргийг Замын цагдаагийн газар үргэлжлүүлэн шалгаж байна.

Эх сурвалж: Шуурхай.мн