Монгол охин Америкийн шоу бизнест амжилттай ажиллаж байна. Тодруулбал, тэрээр Москвад төрж Швейцарт өссөн бөгөөд одоогоор Бостон хотод үндэсний Вокал болон орчин үеийн Pop, R&B урсгалаар мэргэшиж байгаа нэгэн. Түүнийг Болдбаатарын Уянга гэдэг.  Тэрээр дуучин, хөгжмийн зохиолч гээд хөрвөх чадвартай бөгөөд  дуунуудынхаа үг, аяыг өөрөө зохиодог гэнэ. Б.Уянга хөгжмийн карьераа өсгөхийн тулд АНУ-д очин “Berklee” хөгжмийн коллежийг төгсчээ. Түүний уран бүтээл эрс тэс хоёр урсгалтыг нэгдгэснээрээ онцлог гэнэ. Азийн уянгалаг аялгуут Pock-ийн цэвэр энергитэй нийлүүлсэн бөгөөд өвөрмөц хоолой нь уртын дуунаас Pop руу амархан шилждэг юм байна. Америкийн шоу бизнесийг доргиож яваа Монгол охин АНУ-д ажиллахаасаа өмнө Монголд Классик төгөлдөр хуурчаар сурсан байна. Тэрээр тун удахгүй “Ciber City” нэртэй анхны цомгоо сонсогч олныхоо хүртээх болгохоор бэлтгэж байгаа аж.

Эх сурвалж: Шуурхай.мн