Монголын хамтлагуудын тэр дундаа “Boy Band”-үүдийн түүчээг үргэлжлүүлж яваа хамтлаг бол “Мотив” билээ. Цасан бороо, Чамдаа, Хайрын гэгээ зэрэг дуунуудаараа чамлахааргүй олон фэнтэй болж, анхны бие даасан тоглолтоо хийгээд амжсан тус хамтлаг ололт, амжилт ихтэй байгаа.

Тус хамтлагийн ахлагч, дуучин Жижгээ буюу Ц.Эрдэнэбаяр “Сэнгүр” шар айрагны асрыг хамтлагийнхантайгаа цуг ажиллуулж, өдөр бүр сонирхолтой шоу, цэнгээн зохиож байсан билээ. Энэ ажлыг хийж байсан туршлагатай Жижгээ “Масс” клубыг цоо шинэ зохион байгуулалттайгаар үйл ажиллагааг нь эхлүүлж байгаа бөгөөд өөрөө захиралаар нь ажиллаж байгаа гэнэ шүү.

Нэг тэрбум төгрөгний хөрөнгө оруулалт хийгдсэн гэх Масс клуб нь дэлхийд ердөө 1000 ширхэг үйлдвэрлэгдсэн цоо шинэ хөгжим, техник болох Pioneer Limited Edition-аар тоноглогдсон аж. Тус төхөөрөмж нь Хонг-Конг, Сингапур, Малайз зэрэг орны шилдэг bar, club-нд ашигладаг тул “Шинэ Масс” шөнийн цэнгээний газар А зэрэглэлтэй клубын түвшингтэй эн зэрэгцэж буй ажээ.

Эх сурвалж: Шуурхай.мн