Тэнгис кино театрын өмнөх барилга дээрээс өнгөрсөн есдүгээр сард арматур унаж нэгэн хүүгийн амь насыг авч одсон. Иймд иргэн Пүрэвийн гэх уг барилгын ажлыг зогсоогоод байсан. Тодруулбал, Нийслэлийн Засаг даргын өгсөн үүргийн дагуу Нийслэлийн Мэргэжлийн хяналтын газраас хяналт, шалгалт хийж барилгын ажлыг түр зогсоох тухай улсын байцаагчийн акт гаргаж, барилга барих ажлыг бүрэн зогсоосон юм.

Өнгөрсөн зургаадугаар сард тус барилгын ажил үргэлжилж эхэлсэн тухай мэдээлэл гараад байсан ч хяналтын байгууллагаас салхи шуурганы улмаас иргэдийн дээрээс барилгын төмөр унаж магадгүй гэж үзэн бэхэлгээ хамгаалалт хийлгээд байв.

Харин долоо хоногийн өмнөөс тусбарилгын ажил явагдаж эхэлсэн байна. Барилгын ажлыг хятад ажилчид гүйцэтгэж байгаа гэж орй орчимд ажилладаг хүмүүс нь хэлж байна.

Барилгыг үргэлжлүүлэн барих зөвшөөрлийг Барилга хот байгуулалтын яамнаас өгсөн гэх бөгөөд энэхүү ажилд Мэргэжлийн хяналтаас хориг тавьж чадахгүй байгаа гэх мэдээлэл гараад байна.

Эх сурвалж: Шуурхай.мн