Чөлөөт бөх, сонгомол барилдааны өсвөрийн Ази тивийн аварга шалгаруулах тэмцээн Монголд анх удаа бололх гэж буй. Маргааш эхлэх уг тэмцээн Буянт-Ухаа спорт цогцолборт нээлтээ хийх аж.

Ази тивийн чөлөөт бөхийн хөвгүүдийн 15, охидын 12, сонгомол барилдааны 14 дэх удаагийн аварга шалгаруулах тэмцээнд БНАСАУ, БНСУ, БНХАУ, Йемен, Казахстан, Кыргызстан, Монгол, Тажикстан, Тайвань, Тайланд, Туркмен, Узбек, Энэтхэг, Япон гэсэн 14 орны 350 гаруй өсвөрийн бөх өрсөлдөнө. Өсвөрийн бөхчүүд нийтдээ 30 жинд 120 багц медалийн төлөө Монголын дэвжээнээ өрсөлдөх юм. Гадаадын өсвөрийн бөхчүүд, дасгалжуулагчид олон улсын хүүхдийн Найрамдал зусланд байрлаж эхэлсэн байна. Монголын чөлөөт бөхийн холбоо тэмцээний бэлтгэлд зориулан Найрамдал зусланд чөлөөт бөхийн зургаан дэвжээ бүхий бэлтгэлийн нээн ажиллуулж байгаа аж. Энэхүү бэлтгэлийн дэвжээнд манай болон гадаадын өсвөрийн бөхчүүд бэлтгэл сургуулилт, бие халаалтаа базааж байгааг МЧБХ-ны ерөнхийлөгч Д.Дагвадорж болон зохион байгуулагчид мэдээллээ.