Баянгол дүүргийн 16-р хороо Орхоны 5-11 тоот хашаанд караокед 10 гаруй охин биеэ үнэлдэг байсныг Баянгол дүүргийн цагдаагийн нэгдүгээр хэлтэс илрүүлжээ. Энэ хэсэг нь одоогоор Гандангийн дэнж орчимд байдаг бөгөөд гаднаас харахад караоке гэж харагдахаар байгаа гэдгийг хэргийг шалгаж буй байцаагч мэдээлсэн юм.

Хэргийг тодруулбал, гаднаа камер зоосон нэгэн өвлийн орон сууцанд бусдын биеийг үнэлүүлж байсан У гэгч эмэгтэйг хамсаатнуудых нь хамт саатуулсан байна. Тэнд 19-30 насны 12 эмэгтэй байсан бөгөөд У нь эдгээр хүмүүсийн биеийг үнэлүүлж, ашиг олдог байсан нь тодорхой болсон аж. Тэдний 90 хувь нь гадаадын иргэнд биеэ үнэлж, зуучилж үйл ажиллагаа явуулдаг байсныг илрүүлэн шалгаж байна. Мөн энэхүү нууцлаг сууцанд томчууд нэлээд цугладаг байсныг иргэд хэлж байгаа гэнэ. 

Баривчлах үед хэд хэдэн солонгос хүмүүс байсан бөгөөд тэднийг ч мөн саатуулан шалгаж байгаа ажээ.

Эх сурвалж: Шуурхай.мн