МАН-ыг шинэчлэгдэх ёстой, удирдлагууд нь өөрчлөгдөх учиртай гэж үзсэн УИХ-ын гишүүн Ж.Эрдэнэбат, Н.Номтойбаяр, О.Содбилэг нарын гишүүд нь “Шинэчилье” хөдөлгөөн байгуулан намынхаа байрны гадна гэр хүртэл бариад буй.

Ингэхдээ наадмаас өмнө Бага хурлаа хуралдуулахыг Удирдах зөвлөлөөсөө шаардсан. Үүний хариуд удирдлагууд нь “Бага хурлыг наадмын дараа буюу долдугаар сарын 20-нд хуралдуулна. Улмаар наймдугаар сард багтааж Их хурлаа хийхээр товлоно. Үүгээр Ерөнхийлөгчийн сонгуулийн үр дүнг ярьж, хэнд яаж хариуцлага тооцоно” гэж амласан билээ.

Гэхдээ зарим аймаг, сумдын тэгш ой тохиосон нь Бага хурал зарлахад гишүүдийн ирц бүрдэхгүй байх нөхцөл үүсч буй юм байна. Тиймээс МАН-ын удирдлагуудын зүгээс долдугаар сарын сүүлээр Бага хурлыг дахин товлох чиг барих болжээ.

Эх сурвалж: Шуурхай.мн