“Боолын гэрээ”, “Бодлын хулгайч” зэрэг киноны гол дүрийг бүтээж үзэгчдийн талархлыг хүлээсэн Б.Амарсайханыг үеийнхэнээсээ хамгийн өндөр үнэтэй жүжигчин гэдэг юм билээ. Тэрээр нэг кинонд тоглохдоо доод тал нь 10 саяар тоглодог гэнэ. Авсан дүрээ “амилуулж” чаддаг түүний хувьд ийм хэмжээний хөлсөөр гол дүр бүтээнэ гэдэг бас ч тийм хэрээс хэтэрсэн үнэ биш. Харин сүүлийн үед түүний дараа орох жүжигчнээр “Х-Түц” продакшны жүжигчин  Бархүү шалгараад байгаа гэнэ. Тэрээр удахгүй нээлтээ хийх “Найз” кинонд тоглосон бөгөөд хамтран ажилласан залуу бүсгүйчүүдийнхээ зүрхийг шархлуулаад амжжээ. Түүнийг ирж зурганд ормогцоо гэр лүүгээ яаран гарахад кино багийн эмэгтэйчүүд нь санаа алдаад л үлддэг байсан гэнэ лээ. Мөн алтны дэргэдэх гууль шарлана гэдгийн үлгэрээр олон мундаг уран бүтээлчдийн дунд туршлага хуримтлуулж буй Бархүү нэг дублийг нэгээс хоёр удаа л авахуулдаг аж. Түүний цаг барьдаг, ажил хэрэгч, мөн түүний туршлагыг үнэлсэн найруулагч нь түүнд найман саяыг өгчээ. Тиймээс тэрээр залуу жүжигчид дундаа үнэ хөлсөөрөө “сөөнгө” хочит Амараагийн дараа орж байгаа юм.

Н.Хувьзаяа