Энэ сарын 9,10-нд Ардын хувьсгалын түүхт 92 жилийн ой, үндэсний их баяр наадамд зодоглох бөхчүүдийг 9-19 цагийн хооронд Монгол бөхийн өргөөнд бүртгэх юм байна. Мөн түүнчлэн өсвөрийн 128 бөхийн барилдаанд барилдах бөхчүүдийг өнөөдөр 9-18 цагийн хооронд Хүүхдийн ордонд бүртгэхээр болсон байна. Бүртгэлд ирэхдээ бөхчүүд өөрийн биеэр цолныхоо үнэмлэхтэй ирж бүртгүүлэх бөгөөд тогтоосон хугацаанаас хоцорсон тохиолдолд наадамд барилдуулахгүй байх заалттай юм байна. Энэ жилийн баяр наадмын хуваарьт барилдах 512 бөх нээлтийн ажиллагааны үед талбайд гарч, ард түмэндээ хүндэтгэл үзүүлэх заалтыг тусгагджээ. Тодруулбал, талбайд 512 жижиг дарцаг хатгасан байх бөгөөд бөхчүүд цолны эрэмбээр дэвж гарч, дарцаг бүрийн ард очиж зогсон төв индэр болон баруун, зүүн зүгт харж ард түмэндээ мэхийн ёслох юм байна.
Эх сурвалж: Шуурхай.мн
Холбоотой мэдээ
Comments are closed.