“НАЗУ Констракшн” Засгийн газрын хэрэг эрхлэх газрынхны захиалгаар 60 айлын сууцыг метр квадратыг нь 550 ам.доллараар барьж өгөхөөр ажил авсан юм билээ. Тэгэнгүүтээ муухай Монгол хүний зан гаргахгүй байж яаж чадахав гээд 28 айлын байр нэмж төлөвлөөд зах зээлийн ханшаар зарж, ашиг унагахаар төлөвлөж л дээ. Тэгээд ашгийн буюу Засгийн газрын хэрэг эрхлэх газрынхны авах байрнаас даруй хоёр дахин илүү үнэтэйгээр Орон сууц санхүүжилтийн корпорациар дамжиж байртай болхол гэсэн залуусын итгэл сэтгэл рүү хутгалдаад эхэлсэн хэрэг. Ингэхийн тулд Орон сууц санхүүжилтийн корпорацитай 2011 оны дөрөвдүгээр сарын 08-ны 2011/06/06 тоот гэрээ байгуулжээ.

Орон сууц санхүүжилтийн корпорацийн санхүүжилтээр “НАЗУ Констракшн”-аас байр авах айлууд квадрат тутмыг нь 1.200.000-1.400.000 төгрөгөөр тохирч гэрээлжээ. Ингээд худалдан авагчын байрны метр квадрат тутмаас хамаарч 16,000,000-30,000,000 төгрөгийн хооронд урьдчилгаа төлбөрөө бэлнээр “НАЗУ Констракшн”-л тушаажээ. Ингэж захиалагч бүрээс захиалга авахдаа “НАЗУ Констракшн”-ийнхан 2011 оны аравдугаар саырн 1-ний өдөр будаг нь ханхалсан шинэ байранд оруулна гэж хошгируулжээ. Өнөөдөр 2013 оны 07 сарын 02 ны өдөр бүтэн хоёр жилийн турш Орон сууц санхүүжилтийн корпорацитай гэрээтэй төрийн албан хаагчид сар бүр зээлийн гэрээний дагуух авсан зээлээ хүүгийн хамт төлсөөр л. Тэгтэл “НАЗУ Констракшн” Засгийн газрынхантай шүүх цагдаа болсон байна. Яагад ч л байсан хүйтний ам наашилж, хөхүүрийн ам цаашлахаас өмнө паартай байшиндаа орох тэмцэл хийхээс аргагүй нь гэж нэгдсэн 28 захиалагчид сураг ажиг гаргаснаараа “Хөнгөн бетон” ХХК-ийн оффист очтол захирал байсан Б.Наранзул нь жирэмсний амралттай гээд сураггүй арилжээ. Түмний мөнгийг түнтийтэл аваад, төрж амаржихаар алга болсон түүний ээж нь Эрдэнэчимэг (дүрс бичлэг оруулав) гэдэгт захиалагчид учир зүйгээ ярьжээ. Хариуд нь, “НАЗУ Констракшн” 28 (захиалагч)айлын өмнө буруутай ч гэрээны үүргээ биелүүлж чадахгүй гэж хэлээд нэг албан бичиг үйлдэж өгөх ухааны юм яриад алга болох хоорондуур “Манай хашаанд машин ордоггүй…” гэхмэтээр захиалагчдыг хөөх маягийн юм болсон хижээл насны эр заримыг нь “Авлигачин, бялдуучин, долдойчин…” гээд залууханыг нь заамдаж авч хүртэл танхайрдаг байна шүү. Ийн дураараа дургиж, дээрэлхэж доромжилж байгаа нөхөр бол “НАЗУ Констракшн” болон “Хөнгөн бетон” ХХК-ийг үүсгэн байгуулагч Т.Баярхүү (дүрс бичлэг оруулав) гэх.
“НАЗУ Констракшн”-ы дээр төр, засаг гэж байна уу та минь ээ? Яасан эрх дархтай нөхөд эрээ цээргүй иргэдийг доромжилж байгааг шийдэж өгнө үү шинэчлэлийн Засгийн газар? Эс тэгвэл “Шууд ардчилал”, “Шинэчлэл” чинь иргэдээ гудамжинд гаргах явдал уу Ерөнхий сайд Н.Алтанхуягаа.

( Үргэлжлэл бий ) Эх сурвалж:Freezone.mn