Тулгар төр байгуулагдсаны 2222 жил, Их Монгол улс байгуулагдсаны 807 жилийн ойн арга хэмжээ удахгүй тохионо.

Иймд баяр наадмын өдрүүдэд хуушуур айрагны үнэ өндөр байдаг тал ажиглагддаг. Харин Шударга өрсөлдөөн хэрэглэгчийн төлөө газарт хуушуур болон айрагны үнийг зохицуулж өгөх талаар иргэдээс хүсэлт ирсээр байгаа аж. Тиймээс баяр наадмын хуушуур, айрагны үнийг тогтвортой байлгах тал дээр ШӨХТГ-аас хяналт тавина гэх мэдээлэл цацагдсан байгаа билээ.

Харин ШӨХТГ-ын дарга О.Магнай мэдээллийг үгүйсгэж “Тийм зүйл байхгүй. Манай байгууллага наадмын хуушуур, айрагны үнэд хяналт тавихгүй гэдгийг албан ёсоор мэдэгдье. Яагаад ийм мэдээлэл цацагдаад байгааг ойлгохгүй байна” гэжээ.

Эх сурвалж: Шуурхай.мн