Мексик улсын иргэн, 100 настай эмээ бага сургуулийн гэрчилгээгээ гардан авч чадлаа. Manuela Hernandez хэмээх энэ хүн 1913 оны зургадугаар сард төрсөн бөгөөд ядуу гэр бүлээ тэжээхийн тулд сургуулиа орхиход хүрсэн юм. Тэрээр өнгөрсөн жилээс буюу 99 настайгаасаа эхлэн ач нарынхаа хамтаар сургуульд элсэн суралцжээ. Manuela Hernandez гуай Мексик улсын өмнөд хэсэгт орших нэгэн сургуулиас гэрчилгээгээ авсандаа баяртай байна. Тэрээр “би сургуульд сурах их дуртай байсан ч надад суралцах боломж олдоогүй. Дараа жил дунд сургуульдаа элсэн орох болно” гэж телевизэд өгсөн ярилцлагадаа дурджээ. Дашрамд сонирхуулахад, түүний амьдардаг Мексикийн Oaxaca мужийн иргэдийн талаас илүү хувь нь бага ангийн боловсролгүй гэнэ.
Эх сурвалж: Шуурхай.мн
Холбоотой мэдээ
Comments are closed.