Лондонгийн бүжиг, гимнастикийн академид монгол бүсгүй ахлах дасгалжуулагчаар ажилладаг Б.Хулангийн дөрвөн шавь энэ сарын 21-23-нд болсон уран сайхны гимнастикийн Британийн аварга шалгаруулах тэмцээнээс нийт дөрвөн алт, найман мөнгө, таван хүрэл медаль хүртэн энэ чансаагаараа Лондонгийн уран сайхны гимнастикийн клубуудыг тэргүүлэх болжээ. Түүгээр ч барахгүй Британийн хэмжээнд энэ тэмцээнээс хамгийн олон медаль хүртсэн клубээр тодорсон байна.

Тэрээр уран сайхны гимнастикийн олон улсын хэмжээний мастер, олон улсын шүүгч зэрэгтэй. Лондонгийн бүжиг, гимнастикийн академид ажиллаад хоёр жил гаруй болж байгаа бөгөөд түүний бэлтгэсэн гимнастикч хүүхдүүд улсынхаа болон олон улсын тэмцээнээс 200 гаруй медаль хүртжээ.

Хулангийн шавь нар өнгөрсөн хоёрдугаар сард АНУ-д болсон тэмцээнээс хоёр мөнгө, хоёр хүрэл хүртэн, тавдугаар сард Италид болсон тэмцээнд шагналт 3, 4, 5 дугаар байруудыг эзэлсэн юм. Богино хугацаанд ийм амжилтад хүртэл нь гимнастикчдаа бэлтгэж чадсан дасгалжуулагчийн ур чадварыг тэмцээнийг зохион байгуулагчид өндрөөр үнэлжээ.

Эх сурвалж: Шуурхай.мн