Арван гуравхан насандаа загварын ертөнцөд хөл тавьсан топ модель Э.Сэлэнгэ ‘Miss World 2006″ тэмцээнд монгол

орноо төлөөлөн оролцож, Сингапурын нэртэй загвар зохион бүтээгчийн харцыг булааж, улмаар гэрээгээр ажиллах болсон тухай сайхан мэдээлэл саяхан чих баясгаж байсан.

Тэрбээр”Гоёл 2010″ наадмын “Шилдэг загвар өмсөгч”-өөр шапгарч, “Asian super model-2009″ тэмцээнд амжилттай оролцсон нэгэн. “Шилмэл загвар” компанийн загварын дамжаанд багшилж, Олон улс судлалын дээд сургуульд суралцаж байхдаа “Miss Mongolia-2008″ тэмцээнээс “Best Model Miss” өргөмжлөл хүртэж, “Монголын гоо үзэсгэлэн дэлхийн тавцанд-2011″ реалити шоунд түрүүлэн миссийн титэм зүүсэн билээ.

Миссийн тэмцээн, загварын тайзан дээр гялалзаж яваа Э.Сэлэнгэ Тайланд улсад зохион байгуулагдсан “Super model of Asia Pacific-2011″ буюу Ази, Номхон Далайн орнуудын супер модель шалгаруулах тэмцээнд ч амжилттай оролцсон. Цаашдаа “Магистарт суралцаж, олон улсын загварын агентлагт гэрээт моделиор ажиллах зорилгтой байгаа.

Нас минь залуу, сурах зүйл их байна. Эх орондоо суралцсан хэдий ч өөрийгөө хангалттай хөгжүүлж чадахгүй байна гэж би биеэ чамладаг. Илүү их амжилтанд хүрч, намайг цаашид юу хүлээж байгааг харахыг хүсч байна. Би багадаа их мөрөөдөмтгий хүүхэд байсан.

Тэр олон мөрөөдлийг амьдралынхаа зорилго болгон өдийг хүртэл явсан. Ямар ч байсан, энэ эрчээрээ мөрөөдсөөр байх болно. Мөрөөдөл бүхнээ биелүүлж, бүгдэд нь хүрэх юмсан. Дуусашгүй их мөрөөдлийнхөө оргилд нь гарахыг хүсч байна” хэмээн ярих дуртай топ модель бүсгүй загвар өмсөгч О.Пүрэвдулам нар салшгүй сайн найзууд.

Загварын үе үеийн моделиудаас ганцаараа рок попын тайзруу багын мөрөөдлөө хөтлөн орсон О.Пүрэвдулам жилийн өмнөөс дуулж эхлэсэн. Нэг хэсэг “Эко”-гийн Нямдаваатай нэр холбогдож явсан загвар өмсөгч бүсгүй сүүлийн үед “Сatwalk” нэртэй охидын хамтлаг байгуулж хэд хэдэн дуу бичүүлж амжаад байгаа.

Гэвч энэ сайхан бүсгүйчүүдийн тухай таагүй мэдээлэл нэг бус удаа мэдээллийн хэрэгслээр цацагдах болж. Саяхан гэхэд л Гацууртад байрлах таван одтой “”Тэрэлж” зочид буудалд топ модель Э.Сэлэнгэ, загвар өмсөгч О.Пүрэвдулам нар гадаа эрчүүдтэй хамт наргиж, зугаацаж хоноод иржээ.

Монголын зартай агвар өмсөгчид энэтхэг, казак эрчүүдтэй зугаацаж байхыг харсан олон хүн тэдэнд тун ч ам муутай байна лээ. Монголын нэр сүрийг гаргаж явсан топ модель О.Сэлэнгэ ч, сүүлийн үед урлагийн ертөнцөд хөлөө олохоор зүтгэж байгаа О.Пүрэвдулам ч ялгаагүй сайхан бүсгүйчүүд.

Тэд харь эрийн кофе буцалгаж, мөнгөтэй баячуудад үлдсэн амьдралаа даатгах гэж байна уу? Аль эсвэл хоногийн зугаа цэнгэл хөөцөлдөж байна уу гэдэг асуулт олон хүний анхаарлыг татаж байна.

Эх сурвалж: “Тэргүүн”