Үндэсний их баяр наадмыг зохион байгуулах хорооны ээлжит хурал өнөөдөр боллоо.

Улсын баяр наадамд 50 тэрбум орчим төгрөг зарцуулагдах гэж байна гэсэн мэдээлэл гараад байгаа. Тэгвэл  өнөөдөр наадмын санхүүжилт болон бусад асуудлаар санал солилцсон байна.

Наадмын санхүүжилтэд 1.3 тэрбум шаардагдаж байгаа юм байна.  Үүний 350 сая төгрөгийг наадмын үйл ажиллагааны орлогоос, 380 сая төгрөгийг нийслэлийн төсвөөс, 580 сая төгрөгийг Засгийн газрын нөөц сангаас тус тус санхүүжүүлэхээр тооцжээ. Маргааш болох Засгийн газрын хуралдаанаар наадмын төсвийг эцэслэн шийдвэрлэх юм.

Мөн төв цэнгэлдэх хүрээлэнгийн ойр орчимд автомашин зогсоохгүйгээр төлөвлөжээ. Наадамчид Дүнжингарав, Нарантуул худалдааны төвийн хашаанд машинаа байрлуулах бөгөөд тэндээс жижиг оврын автобус наадамчдад үнэ төлбөргүй үйлчилнэ.

Эх сурвалж: Шуурхай.мн