Үндэсний их баяр наадмыг үзэж сонирхохын тулд жил бүрийн долоон сард  гадаадын жуулчид их  ирдэг билээ. Гадны жуулчид Төв цэнгэлдэх хүрээлэнд орж нээлтийн ёслолыг үзэхийг хүсдэг ч гадна дотны иргэдэд тасалбар нь олдоггүй. Тэгвэл энэ байдлыг цэгцлэхээр Нийслэлийн Аялал жуулчлалын газраас Үндэсний их баяр наадмын жуулчдад зориулсан тасалбар, авто машины зөвшөөрлийг хуулийн дагуу, тогтвортой үйл ажиллагаа явуулж байгаа, нийгмийн хариуцлагатай жуулчны компаниудад олгохоор болсон байна. Үүний дагуу баяр наадмын нээлтийн тасалбар, автомашины “Ж” зөвшөөрлийн захиалгыг өчигдрөөс авч эхэлжээ. Байгууллагуудын захиалгын хүсэлтийг энэ сарын 21-нийг хүртэл Нийслэлийн Аялал жуулчлалын газарт бичгээр хүлээн авах юм байна. 

Эх сурвалж: Шуурхай.мн