Шүүхийн ерөнхий зөвлөл, Төрийн албаны зөвлөлөөс “Төрийн өндөр албан тушаалтны зэрэг зиндаа, түүнтэй адилтгах төрийн албан тушаалтны зэрэглэлийг шинэчлэн тогтоох тухай” УИХ-ын 2002 оны 73 дугаар тогтоолд өөрчлөлт оруулж, ШЕЗ-ийн даргын албан тушаалыг “ТӨ-IVA”, Ерөнхий зөвлөлийн гишүүдийн албан тушаалыг “ТӨ-VA” зэрэг зиндаа, зэрэглэлтэйгээр тогтоох саналыг УИХ-д ирүүлжээ. Улмаар “Төрийн өндөр албан тушаалтны зэрэг зиндаа, түүнтэй адилтгах төрийн албан тушаалтны зэрэглэлийг шинэчлэн тогтоох тухай тогтоолын хавсралтад нэмэлт оруулах тухай” УИХ-ын тогтоолын төслийг Төрийн байгуулалтын байнгын хорооны хуралдаанаар хэлэлцэж дэмжсэн. Үүнийг УИХ-ын чуулганы Өнөөдрийн хуралдаанаар хэлэлцэж, гишүүдийн 75.0 хувийн саналаар тогтоолын төсөл батлагдлаа

Харин хэлэлцэх асуудалтай холбогдуулж асуулт асуух, санал хэлэх гишүүн байсангүй.

Эх сурвалж: Шуурхай.мн