Нийслэлийн Засаг дар­гын 2013 оны тавдугаар сарын 30-ны өдрийн А/548 дугаар захирамжаар нийс­­лэлийн хэм­жээнд ху­далдаа, үйлчилгээний бай­­­­гууллагуудын ажиллах ца­­гийн хуваарьт өөрчлөлт оруул­ж, өчигдрөөс мөрдөгдөж эхэллээ.

Өмнө нь тусгай хөтөлбөрт үйлчилгээтэй, диско, бүжиг, шоу үзүүл­­­­бэртэй шөнийн цэнгээний газрууд шөнийн 00:00 цаг хүртэл ажилладаг байсан. Тэгвэл үүнийг хүчингүй болгож пүрэв, баасан, бямба гарагт сог­тууруулах ундаа­гаар үйлч­лэхгүйгээр 03:00 цаг хүртэл ажиллах зөвшөөрөл олгосон байна. Харин эдгээрээс бусад өдрүүдэд 15:00-00:00 хооронд ажиллах бөгөөд 00:00 цаг гэхэд согтууруулах ундаагаар үйлчлэх үйл ажил­лагаагаа  зог­соосон байх ёстой гэсэн шаардлага тавьжээ. Үүнийг биелүүлээгүй тохиолдолд тусгай зөвшөөрлийг цуцлах хүртэл арга хэмжээ авах юм байна. Мөн,

Ний­тийн үйл­чилгээтэй цай­ны газар: өвөл 09:00-20:00 цаг хүртэл

зун 08:00-22:00 цаг хүртэл

Хүнсний мух­лагууд: өвөл 09:00-22:00 цаг хүртэл

зун 08:00-22:00 цаг хүртэл

Аж үйлдвэрийн барааны дэлгүү­рүүд: өвөл 10:00-20:00 цаг хүртэл

зун 09:00-21:00 цаг хүртэл

Албан газруудын дэргэдэх цайны газрууд: байгууллагын ажиллах цагийн хуваарьт зохицож үйл ажиллагаагаа явуулна

Банк, эмийн сан, шатахуун түгээх станцууд: 24 цагаар үйлчилгээ эрхэлж болно /нэгдсэн нэг төрлийн эмблем, хаягтай байх ёстой/

24 цагийн түргэн үйлчилгээний сүлжээ хоолны газрууд: Захирамжаар 24 цагийн үйлчилгээтэй  газар байхгүй болгож, түргэн үйлчилгээний сүлжээ хоолны газрууд өглөө 07:00 цагаас шөнийн 03:00 цаг хүртэл үйл ажиллагаа тус тус эрхлэх болсон байна.

Эх сурвалж: Шуурхай.мн