Эрүүл мэндийн сайд асан Н.Хүрэлбаатарыг Монгол Улсын хууль хяналтын байгууллагын хүсэлтээр интерполоор эрэн сурвалжилж эхэлсэн тухай мэдээлэл цахим хуудсуудаар гараад байна.

Тодруубал, “түүнийг өнгөрөгч дөрөвдүгээр сарын 13-ны өдөр хилээр гарсан байж болзошгүй бөгөөд одоо аль улсад байгаа нь тодорхойгүй байгаа ч аль улсад байгаа нь тодорхойгүй байгаа. Түүнийг эрэн сурвалжлах болсон нь их хэмжээний сейфтэй мөнгөтэй холбоотой бөгөөд Н.Хүрэлбаатарын нууц хүү Х.Энхбатын Хан-Уул дүүргийн 15 дугаар хороо, “Рапид харш” хотхоны 5-А байрны 35 тоотоос  их хэмжээний сейфтэй мөнгө алдагдсан дуулиан өнгөрөгч дөрөвдүгээр сард дэгдсэн. Хууль хяналтынхан түүний нууц хүү гэгдээд буй Х.Энхбатыг цагдан хорьсон бөгөөд сейфтэй их хэмжээний мөнгө Н.Хүрэлбаатарынх, өөрт нь хадгалуулж байснаа хүлээн зөвшөөрсөн. Н.Хүрэлбаатарын сейфэндээ хадгалж байсан их хэмжээний мөнгөний эх үүсвэрийг тогтооохоор түүнийг эрэн сурвалжилж, нууц хүүг нь цагдан хориод байна” гэх мэдээлэл юм.

Харин энэ талаар албаны эх сурвалжаас тодруулахад “Одоогоор Интерполоор эрэн сурвалжилж эхлээгүй. Хэрвээ эрэн сурвалжилж эхэлвэл Интерполын албан ёсны хуудсанд заавал тавигдах учиртай” гэв.

Эх сурвалж: Шуурхай.мн