Загвар зохион бүтээгч Н.Соёлмаа олон сайхан Монгол хувцаснуудын загварыг бүтээж байсан Монголын шилдэг загвар зохион бүтээгчдийн нэг билээ.

Ийм ч учраас түүний бүтээсэн Монгол хувцаснуудаас гадагшаа ганц нэг хүн авч явдаг гэнэ.

Тэдний нэг болох мисс Гантогоо 2005 онд Танзанид болсон дэлхийн миссийн тэмцээнд явахдаа Соёлмаагаар Монгол үндэстний хувцасаа хийлгээд явсан аж. Тэгээд “Бест нейшнл костюм” гэдэг шагнал авч байжээ.

Ийнхүү түүний бүтээсэн хувцаснуудаас авч явдаг хүмүүсийн дундаас Гантогоог “их адтай айхтар, нэлээн сүрхий хүүхэд юм даа” гэж боддог гэнэ. Учир нь “Гантогоод монгол хувцас маш гоё зохидог юм, өөрөө их зөөлхөн, талбиун, монгол эмэгтэйн төрх байдаг. Өөр хөөрхөн сайхан охин байдаг л даа. Европжчихсон, эсвэл хэтэрхий хурц харцтай, хөдөлгөөн нь ширүүн дориун ч юм уу байдаг” гэжээ.  Мөн “Хас банкинд дээр Данийн гүнж, ханхүү хоёр ирэх гээд, монгол үндэсний хувцас өмссөн сайхан хүүхэн хадаг сүү бариад угтах хэрэгтэй байна. Та олоод өгөөч, хувцас хунараа өгөөч”гэж түүнээс гуйхад нь Гантогоог явуулсан аж.

Харин “Данийн ханхүү Гантогоо руу хараад гацаад гөлрөөд зогссон гэсэн” хэмээн Гантогоогийн тухай дурсан ярьжээ.

Эх сурвалж: Шуурхай.мн