Монголын рок попын сайхан хосуудын нэг “Гурван охин” хамтлагийн дуучин Г.Анхмаа, жүжигчин Т.Билэгжаргал нар гэдэгтэй маргах хүн үгүй биз. Урлагийн сургуульд учирч, хамтдаа амьдарч байсан олны танил хос нэг хэсэг  хоёр тийш болсон нь нууц биш. Хэсэг хугацаанд тус тусынхаа мөрийг хөөж явахдаа “Сая километр” киноны гол дүрд тоглохоор ахин учирсан тэд үүндээ  ихэд билэгшээсэн гэдэг. Тэр ч байтугай, жүжигчин залуу “Гурван охин” хамтлагийн “Жинхэнэ хайр” анхны бие даасан тоглолтын тайзан дээр хайртай бүсгүйдээ час улаан сарнай бэлэглэж, Г.Анхмааг мэлмэртэл нь уйлуулсан гэдгийг уншигчид маань санаж буй биз ээ.
Амьдрал дээр анхны харцаар дурлаж хосууд болсон тэд жүжигчин, найруулагч Б.Анхбаярын хийж буй “Франц үнсэлт” киноны гол дүрд хайртай хосуудын дүр бүтээгээд байгаа.   Анх оюутан байхдаа “Ромео Жулетта”-д тоглож тайзнаас буухдаа Т.Билэгжаргал Анхмаад шууд дурлаж хайртай болчихсон гэдэг. Тухайн үед бие биеийгээ таньдаггүй байсан ч жүжигчин залуу маань  Анхмааг  21 хоногийн дотор өөрийн болгосон  аж. Тэд хамтраад амьдраад хэдийнэ долоон жил болжээ.  Харин одоо хосууд маань хүүхэдтэй болохоор төлөвлөж байгаа  бөгөөд нэгэнт л жирэмсэн болсон бол битгий аборт хийлгээрэй гэж охид залуустаа уриалаад байгаа гэнэ шүү.