Төрсөн үрээ хогийн саванд хаясан хэрэг уржигдар нийслэлд гарсан байгаа. Хүүхэд Баянгол дүүргийн XV хорооны 27 дугаар байрны хогийн бункерээс олдсон юм. Хүүг ээж нь уг байрны гурван давхрын хогийн бункерийн хоолойгоор доош шидчихээд зугтжээ.

Цагдаагийн хэлтсийнхэн шуурхай ажиллаж, нярай хүүхдийн ээж хэн болохыг тогтоосон байна. Тэрээр Төв аймгийн харьяат нэгэн аж. Төрүүлсэн үрээ хаясан эмэгтэй яагаад ийм болчимгүй үйлдэл хийх болсныг цагдаагийн байгууллага шалгаж байгаа бөгөөд эхэд арга хэмжээ авна гэлээ.

Эх сурвалж: Шуурхай.мн