УИХ-ын чуулганы өнөөдрийн хуралдаанаар Мөнгө угаах болон терроризмыг санхүүжүүлэхтэй тэмцэх тухай /Шинэчилсэн найруулга/ хуулийн төсөл болон энэ хуулийн өөрчлөлтэй холбогдон өөрчлөгдөж буй зарим хуулийн эцсийн хэлэлцүүлгийг хийх аж.

09.00 цагаас:

1. Мөнгө угаах болон терроризмыг санхүүжүүлэхтэй тэмцэх тухай /Шинэчилсэн найруулга/ хуулийн төсөл, Хуулийн этгээдийн улсын бүртгэлийн тухай хуульд нэмэлт оруулах тухай, Терроризмтэй тэмцэх тухай хуульд нэмэлт, өөрчлөлт оруулах тухай, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд өөрчлөлт оруулах тухай, Мөнгө угаах болон терроризмыг санхүүжүүлэхтэй тэмцэх тухай хууль хүчингүй болсонд тооцох тухай хуулийн төслүүд /эцсийн хэлэлцүүлэг/:

• Хууль зүйн байнгын хорооны танилцуулгыг Улсын Их Хурлын гишүүн Ж.БАТЗАНДАН танилцуулна.

14.00 цагаас:

Монгол Улсын Ерөнхий сайдын мэдээлэл: Барилга, хот байгуулалтын салбарын бүтээн байгуулалтын талаар.

ЭЦСИЙН НАЙРУУЛГА СОНСОХ ХУУЛЬ, ТОГТООЛ:

– Үнэт цаасны зах зээлийн тухай /Шинэчилсэн найруулга/ хууль;
– Аж ахуйн нэгжийн орлогын албан татварын тухай хуульд өөрчлөлт оруулах тухай хууль;
– Хувь хүний орлогын албан татварын тухай хуульд өөрчлөлт оруулах тухай хууль;
– Хөдөө аж ахуйн гаралтай бараа, түүхий эдийн биржийн тухай хуульд өөрчлөлт оруулах тухай хууль;
– Зар сурталчилгааны тухай хуульд нэмэлт, өөрчлөлт оруулах тухай хууль;
– Даатгалын тухай хуульд өөрчлөлт оруулах тухай хууль;
– Санхүүгийн зохицуулах хорооны эрх зүйн байдлын тухай хуульд нэмэлт, өөрчлөлт оруулах тухай хууль;
– Аж ахуйн үйл ажиллагааны тусгай зөвшөөрлийн тухай хуульд өөрчлөлт оруулах тухай хууль;
– Үнэт цаасны зах зээлийн тухай хууль хүчингүй болсонд тооцох тухай хууль;
– “Үнэт цаасны зах зээлийн тухай хууль батлагдсантай холбогдуулан авах зарим арга хэмжээний тухай” Улсын Их Хурлын тогтоол.

Эх сурвалж: Шуурхай.мн