Дорноговь аймгийн Улаанбадрах суманд 319 өрх бүртгэгдсэн байдаг. Тэгвэл өнөөдөр Айл өрх бүрийн хотонд гажиг төл төрж, тус нутаг гамшгийн хэмжээнд хүрч байгаа талаар нутгийн иргэд болон Гал үндэстэн холбооноос мэдээлэл хийлээ.

Дэлхийд хар данстайгаараа алдартай Францын “Арева” группын охин компани Кожеговь тус нутагт ураныг  туршилтын журмаар олборлож, шар нунтаг үйлдвэрлэсэн тэр цаг үеэс малын хоргодол эхэлсэн.  Өнөөдрийн байдлаар 1000 гаруй мал үрэгдээд  байгаа ч маргааш нь хүн үхэж үрэгдэхийг хэн ч үгүйсгэж чадахгүй нөхцөл байдал үүссэн гэв. Иймээс цөмийн эсрэг байр суурьтай бүх хөдөлгөөнүүд, ураны гамшигт өртөж байгаа 319 өрх айлын 1500 гаруй малчин иргэд нэгдэн үүсээд байгаа нөхцөл байдалд дургуйцлаа илэрхийлэн төрийн гурван өндөрлөгт хандлаа. Мөн тухайн нутаг дэвсгэр ямар гамшгийн байдалтай байгаа талаар өөрсдийн биеэр танилцуулсан юм.

Эх сурвалж: Шуурхай.мн