Дуучин поп дива, МУГЖ Ж.Алтанцэцэг ирэх 6 сарын 1-нд тохиох эх үрсийн баяраар СТӨ-нд өөрийн бие даасан “3D” тоглолтоо үзэгч, сонсогчиддоо өргөн барихаар болжээ.
Тэрбээр өнгөрсөн хоёр жил дараалан 6 сарын 1-нд хүүхэд багачууддаа зориулан 2011 онд “Хүүхэд насны дурсамж ”, 2012 онд “Ногоон орчин бидний ирээдүй” тоглолтуудаа толилуулж байсан юм. Харин энэ жилийн тоглолт нь зөвхөн хүүхдүүд гэлтгүй эцэг эхчүүдэд зориулсан өргөн цар хүрээтэй маш гайхамшигтай дэвшилтэт технологи ашигласан тоглолт болох гэж байгаагаараа онцлог аж. Тоглолтод түүний хит дуунаас болон шинэ уран бүтээлүүд нь дуулагдах юм байна. Мөн урилгаар МУГЖ Б.Дашдондог, Поп дива С.Наран, МУСТА Ө.Уянг, Ц.Хулан, Б.Маралжингоо, А.Түмэн-Өлзий, Ж.Чингис, Хүүхдийн ордны найрал дуучид оролцох бол ерөнхий найруулагчаар Монгол Улсын төрийн шагналт, МУГЖ Д.Сосорбарам ажиллах юм байна.
Энэ тоглолтын онцлог нь хагас жилийн хугацаанд бэлтгэгдэж буй маш өндөр хэмжээний бэлтгэлтэй, хөрөнгө хөдөлмөр зарцуулж орчин үеийн техник технологийн дэвшлийг ашигласан 3D гэрэл болон хлограммыг ашиглаж орчин үеийн тоглолтын хэв маягийг эвдэх нь ээ.
Эх сурвалж: Шуурхай.мн
Түүнчлэн МУГЖ Ж.Алтанцэцэгийн бяцхан охин ээжтэйгээ хамтран дуулах гэнэ.
Холбоотой мэдээ
Comments are closed.