Архидалт мансуурлын эсрэг үндэсний ассоциаци, Энхтайван ирээдүйн хөгжлийн сан, “Гээкс тайм” байгууллагаас архины шошго дээр согтууруулах ундааны хор хөнөөлийг таниулсан зураг, сэрэмжлүүлгийг байршуулах асуудлаар мэдээлэл хийлээ.

Тэд “Нийгмийнхээ хэрэглээн дээр тулгуурлаж, судалгаа хийсний үндсэн дээр энэ санаачлагаа гаргасан” гэв. Тодруулбал, согтууруулах ундааны хор хөнөөлийг таниулсан зураг, сэрэмжлүүлэг бүхий сануулах наалт гаргах санаачлага юм. Энэ санаачлага нь ямар ч улс төрийн шоу биш, ашиг орлого олох санаа биш бөгөөд бизнесийн үйл ажиллагаа явуулах гэж байна гэсэн ойлголт биш гэдгийг тэд дахин дахин сануулж байлаа.

Энэхүү санаачлага нь шаардлага биш хүсэлт. Тэд санаачлагаа удаан хугацааны судалгааны үр дүнд гаргах болсон бөгөөд архидалтыг багасгах зорилгоор санаачилжээ. Жишээ нь, тамхи үйлдвэрлэж эхэлсэнээс хойш хэсэг хугацааны дараа тамхины хайрцаг дээр тамхины хор хөнөөлийг анхааруулсан сануулах наалтыг нааснаар тамхи таталт 13-15% буурсан байдаг гэв.

Эх сурвалж: Шуурхай.мн