Нийслэлийн Баянзүрх дүүргийн 10 дугаар хороо буюу Амгалан дахь Шүүхийн шийдвэр гүйцэтгэх ерөнхий газрын харьяа хорих 421-р ангийн ээлжит “Нээлттэй хаалга”-ны өдөрлөг маргааш болно.

Энэ удаагийн “Нээлттэй хаалга”-ны өдөрлөгөөр хүмүүжигчид тус ангид хоригдох хугацаандаа үйлдвэрлэл, бүтээн байгуулалтын ажил хийж авсан цалингаа гэр бүлдээ гардуулан өгөх юм байна.

Уг арга хэмжээ нь өнөөдрийн хууль зүйн салбарын нээлттэй бодлого, төрийн үйлчилгээний үйл ажиллагааг хүмүүжигчид тэдний ар гэрийнхэнд танилцуулах, хүмүүжигчдийг нийгэмшүүлэх ажил, сургалтын үйл ажиллагаа тус ангид хэрхэн явагдаж буйг мэдээлэхэд чиглэх ажээ. Өдөрлөгт зориулан соёл урлагийнхан уран бүтээлээ толилуулахаас гадна хамтран ажилладаг төрийн бус байгууллагууд үйл ажиллагаагаа сурталчлан таниулах юм байна.

Эх сурвалж: Шуурхай.мн