Үргэлж сонин содон уран бүтээлээрээ сонсогч фенүүдээ гайхшруулж байдаг Төрийн соёрхолт дуучин Д.Болд кинонд тоглоод тун завгүй яваа сурагтай. Тэрээр “Усны гудамж” нэртэй олон ангит кинонд өөрийнхөө бодит амьдарлынхаа нэгээхэн хэсэгт буюу дуучин Болдын дүрд тоглож байгаа юм байна.

Тус киноны продюсерээр “АХА” нэвтрүүлгийг санаачлагч “Сэмүүн” студийн захирал Банзрагчийн Баяр, ерөнхий найруулагч Нацагдоржийг Элдэв-Очир, нэгдүгээр найруулагчаар Жадамбаагийн Отгонбаяр, зургийн дарга Ядамсүрэнгийн Болдбаатар, ерөнхий зураглаач Оюунбаатрын Амарбаясгалан нар ажиллаж байгаа аж.

Гол дүрүүдэд Төрийн шагналт МУГЖ Цэгмидийн Төмөрбаатар, СТА Цэрэндагвагийн Эрдэнэбат, СТА Аюушийн Энхбаяр, Хандсүрэнгийн Санги-Очир, Адилбишийн Адилцэцэг, Батчулууны Баярсанаа нар тоглож байгаа бөгөөд 25 суваг телевиз, SBN, MovieBox телевизээр Төрийн соёрхолт дуучин маань өөрийнхөө бодит амьдарлыг кинонд хэрхэн бүтээхийг тун удахгүй харах нь ээ.

Эх сурвалж: Шуурхай.мн