Монгол Улсын анхны онгоц “Чингис 767 Боинг” Америкийн нэгдсэн улсаас 12.00 цагийн шууд нислэг үйлдэж, “Чингис Хаан” нисэх буудалд амжилттай газардлаа.

Үндэсний агаарын тээвэрлэгч МИАТ төрийн өмчит хувьцаат компани өөрийн гэсэн анхны шинэ онгоцоо хүлээж аваад байна. 220 хүний суудалтай тус онгоцыг өнгөрсөн мягмар гаригт 12.00 цагт АНУ-ын Seattle хот дахь Боингийн үйлдвэрээс хүлээж авсан юм.

Будаг нь ханхалсан хөлгийн анхны багийн гишүүдэд онгоцны дарга Ж.Доржнамжим, багш нисгэгч Г.Мөнх-Очир, 2-р нисгэгч А.Энхжаргал, ахлах үйлчлэгч Д.Мөнх-Үйлс, үйлчлэгч Б.Үүрийнтуяа нар багтаж, Боингоо Монголд авчрах хүндтэй үүргийг хүлээсэн байна.

Онгоц хүлээж авах ёслолд Ерөнхий сайд Н.Алтанхуяг болон Засгийн газрын Сайд нар, бусад албаны хүмүүс оролцлоо.

Эх сурвалж: Шуурхай.мн