Олон улсын сувилагч нарын баярт зориулж Нийслэлийн Түргэн Тусламжийн төвийн 2-р ээлжийн эмч сувилагч нар Эмнэлэгийн Тусламж Үйлчилгээний Чанар Аюулгүй байдалыг дээшлүүлэх сувилахуйн тусламж үйлчилгээг иргэдэд ойртуулж тэдэнд эрүүл мэндийн болосврол олгох зорилгоор “Хамтдаа эрүүл мэндээ сахин хамгаалцгаая” уриан дор эрүүл мэндийн нээлттэй хаалганы өдөрлөгийг 2013 оны 5 дугаар сарын 11 ны өдөр Улаан баатар хотын Баянзүрх худалдааны төвийн ажилтан, албан хаагч, түрээслэгч, үйлчлүүлэгч иргэдийн дунд зохион байгууллаа. Өдөрлөгт зүрх судас, мэдрэл, дотор, дотоод шүүрлийн нарийн мэргэжилийн эмч нар үзлэг хийж эхо , зүрхний цахилгаан бичлэг, цусанд сахар тодорхойлох зэрэг шинжилгээнүүдийг хийв. Сувилагч нар иргэдэд эрүүл мэндийн боловсролыг зүрх судасны өвчинүүд, даралт ихсэлт, чихрийн шижин, жирэмсэн үеийн цус багадалт, таргалалт зэрэг өвчинөөс урьдчилан сэргийлэх, зөв хооллолт, хорт зуршилын талаар зөвлөмж бүхий тараах материалаар хангасан. Үзлэгт нийтдээ 150 орчим хүмүүс хамрагдсанаас даралт ихсэлт, цусны сахар ихсэлт, бөөр шээсний замын өвчлөлүүд зонхилж байсан бөгөөд дээрх үйлчлүүлэгч нарт зөвөлгөө өгч ,эмчилгээ зааж өгөв. Үзлэгт хамрагдсан үйлчүүлэгч, түрээслэгч нар цаг зав муутай, тэр бүр үзлэг оношлогоонд хамрагдах боломжгүй байдаг тул тухайн үзлэгт хамрагдсан явдалд НТТ төвийн 2-р ээлжийн хамт олонд талархан сайшааж байв.